იაპონური ტრადიციის მიხედვით, ქვიშის ზედაპირზე სპეციალური, ქვისგან დამზადებული ღარებია გაკეთებული. კენჭები წყლის სიმბოლოა, მსხვილი ქვები- მიწის , ხოლო ორმოები - ტალღების. მაგალითად, ოკეანე ქვის ბაღში ასე გამოიყურება:

თანამედროვე ლანდშაფტურ დიზაინში ქვების ბაღი პოპულარულია და ხშირ შემთხვევაში, იაპონური ბაღის ტრადიციებს ზუსტად არ მიჰყვება. თუმცა ამ სტილის გაფორმებას თავისი წესები აქვს. მაგალითად, ყველა ქვა სხვადასხვა ზომის და ასიმეტრიულად განლაგებული უნდა იყოს. იაპონური, ქვის ბაღის ლანდშაფტური სტილი შეიძლება მრავალი კრეატიული გზით განხორციელდეს. მაგალითად, შეხედეთ ამ სურათს: კენჭები მართკუთხა ფორმას გვაძლევს, ხოლო მასზე დაწყობილი ქვები - იეროგლიფებს.

ქვის ბაღის თავდაპირველი ფუნქცია რეკრეაციული იყო. აქ ადამიანები მედიტირებდნ და ივიწყებდნენ ყოველდღიურ პრობლემებს. ქვების კომპოზიცია კი ისე იყო განლაგებული, რომ დამსვენებელს ამაში დახმარებოდა. თუ გსურთ, რომ თქვენს ქვის ბაღშიც მსგავსი ატმოსფერო შექმნათ, მცენარეების როლი გაზარდეთ. ამაში დაგეხმარებათ ყვავილოვანი კლუმბები და საშუალო ზომის გაზონები.

ქვის ბაღის ლანდშაფტურ დიზაინში ერთმანეთს არაჩვეულებრივად ესაბამება ქვა და მშრალი წყაროები. შეგიძლიათ გამოიყენოთ უჩველო დიზაინის მქონე ხელოვნური წყარო. ეს ნიშნავს, რომ აავსოთ ის მოხატული ქვებით და საღებავებით შეღებოთ. მსგავსი ორნამენტი მთლიან ბაღს კრეატიულს გახდის. ნამდვილი წყაროები კი შეგიძლიათ მორთოთ მასიური ქვებით. მსგავსი ელემენტი აუცილებლად მიიქცევს ყურადღებას. ბილიკებს იაპონურ ბაღებში დიდ ყურადღებას აქცევენ. როგორც ამავე ტრადიციაშია, ეს გზა საჭიროა ჩაის ცერემონიის გასავლელად. ის არ უნდა იყოს მარტივი. ამიტომ აქ ბრტყელ ქვებს გამოიყენებენ. ეს უკანასკნელნი ერთმანეთისგან 10-15 სანტიმეტრით არის დაშორებული.

თუ ქვის ბაღის დეკორირებას გადაწყვეტთ, პირველ რიგში, იაპონური სტილის სანათურები მოიმარაგეთ. ისინი ნებისმიერი სახით არსებობს: ვიწრო, მაღალი, მსხვილი, სახლის ფორმის. მსგავსი სანათურები მთელ ბაღში ჰარმონიას შექმნის.