კვლევებით დადასტურებულია, რომ შვებულებაში გასვლა თქვენს პროდუქტიულობას ზრდის, რაც შემდგომ გეხმარებათ კარიერულ წინსვლაში. თანამშრომლები, რომლებიც უფრო ხშირად ისვენებენ და ახდენენ განტვირთვას მეტი პროდუქტიულობით და კრეატიულობით გამოირჩევიან. ამიტომ, ნებისმიერი წარმატებული კომპანიის ხელმძღვანელს ურჩევნია, რომ მისი თანამშრომელი დასვენებული და განტვირთული იყოს, ვიდრე საქმისგან გადაღლილი. თქვენ შეიძლება ფიქრობთ, რომ საკმარისი ენერგია გაქვთ და არ გჭირდებათ დასვენება, თუმცა ცდებით. თქვენი ტვინის უჯრედებს აუცილებლად ჭირდებათ ახალი გარემო, ყოველდღიურობისგან გაქცევა და განტვირთვა. ძალების აღდგენა კი დაგეხმარებათ როგორც კარიერულ, ისე პირად ცხოვრებაში.

შვებულებაში გასვლა პირდაპირაა დაკავშირებული თქვენს ფიზიკურ და მენტალურ ჯანმრთელობასთან. სტრესი და დაძაბულობა აუცილებლად აისახება თქვენს ფიზიკურ ჯანმრთელობაზე. კვლევებით კი დასტურდება, რომ ადამიანებს რომლებიც ხშირად ისვენებენ აქვთ ნაკლები ჩივილები ჯანმრთელობასთან დაკავშირებით. მათ ექვსჯერ უმცირდებათ გულსისხლძარღვთა დაავადებების რისკი, ასევე უმცირდებათ ქოლესტერინის დონე. საქმისგან შორს ყოფნა, ყოველდღიური რუტინის გამოცვლა ამცირებს სტრესსა და დაძაბულობას, რაც ყველა უსიამოვნო შეგრძნების დასაბამია. როდესაც ისვენებთ და გამუდმებით საქმეზე აღარ ფიქრობთ, თქვენ გიუმჯობესდებათ მეხსიერება, კონცენტრირების უნარი, უკეთ გძინავთ და თქვენი ტვინი ახალი გამოწვევებისთვის მზად არის. ასე, რომ ნუ გადადებთ შვებულებაში გასვლას და სანატრელ, დამსახურებულ დასვენებას. გახსოვდეთ, რომ ეს თქვენი ჯანმრთელობისთვის აუცილებელია და არაფერია ამაზე უფრო მნიშვნელოვანი.