თავდაპირველად, გობელენი არა მარტო კედლის დეკორად, არამედ სახლში სითბოს შესანარჩუნებლადაც გამოიყენებოდა. მათ შეიძლება თამამად ვუწოდოთ ქსოვილის ხალიჩები. ბუნებრივი გობელენები თექისა და აბრეშუმის ძაფებით მზადდება. ევროპული გობელენების ძირითადი მოტივები სიცოცხლის სცენებია. ხშირად გვხვდება პეიზაჟები მონადირეებთან, პასტორებთან, მწყემსებთან თუ ქალებთან ერთად. გობელენების სიუჟეტებს კიდევ ერთი აღმოსავლური მიმდინარეობა აქვთ, საიდანაც მცენარეებისა და ყვავილების დახვეწილი პეიზაჟები მოდის.

სიუჟეტური გობელენები, ბევრი ჩვენგანისთვის, კლასიკური სტილის ინტერიერთან ასოცირდება. მაგრამ რადგანაც ორნამენტული ქსოვილის სურათები სტილურად გაფართოვდა, გობელენები შეგიძლიათ შეუხამოთ არა მარტო რეტრო თუ ვინტაჟურ სტილს, არამედ ეკლექტური და პროვანსული დიზაინის ოთახებსაც. გობელენებზე დატანებული გეომეტრიული ორნამენტები იდეალურია თანამედროვე სტილის ოთახისთვის. შავ-თეთრი ყვავილების გამოყენება კი მეინსტრიმულიც კია. არანაკლები პოპულარულობით სარგებლობს ღია ორნამენტულ ყვავილებიანი გობელენებიც. სუფთა ხაზები, ფერადი ყვავილები, ლამაზი კომბინაციები - აი, რა ქმნის მათ განსაკუთრებულად. აბსტრაქციზმი გობელენების სურათებში - ინტერიერის დიზაინის ერთ-ერთი განშტოებაა. უჩველო ფერები და ფორმები, ორიგინალური დაკავშირებები და უცნაური სიუჟეტები, დღევანდელობის ყურადღებას ნამდვილად იპყრობს.

საძინებლისთვის მშვიდი სიუჟეტის მქონე გობელენები შეარჩიეთ: ლამაზი ლანდშაფტები, ყვავილები, ფრინველები და ცხოველები. ეს ყველაფერი დასვენებისა და ძილისთვის მშვენიერ და დამაწყნარებელ ატმოსფეროს შეგიქმნით. თუ დიდი გობელენი გაქვთ, გირჩევთ, ის მისაღებ ოთახში დაკიდოთ. კლასიკური სტილის ოთახისთვის ნეო-კლასიკურ სტილში შექმნილი გობელენი ორგანული და თემატური იქნება. თუმცა თუ კლასიკური მოტივები არ გსურთ, მათი ღია და ფერადი ვარიანტი აირჩიეთ. თუ გსურთ, რომ დეკორის ეს ნაწილი სამზარეულოში კარგად გამოიყურებოდეს, ის ნეიტრალური ფერის კედელზე ჩამოკიდეთ. საბავშვო ოთახისთვის კი ნეიტრალური ორნამენტული სურათისა ან ბუნების პეიზაჟის მქონე გობელენი არაჩვეულებრივი ვარიანტი იქნებოდა.