ფერადი ნათურების კაშკაშა და ფსიქოდელიური გამოფენა კი დიდი ბრიტანეთის ნაციონალურ მედიამუზეუმში მოეწყო. ინტერაქტიული ნამუშევარი მანჩესტერელ ლიზ ვესტს ეკუთვნის და მოიცავს 250 ფერად, ფლურესცენციულ ნათურასა და 30 მეტრის სიმაღლის სარკების კომბინაციას. ინსტალაცია პოზიტიურად ეხმიანება სინათლისა და ხელოვნების მეცნიერების შესწავლასა და განვითარებას. სარკეები ირეკლავს ჭერზე განთავსებულ, 250, დაახლოებით 2-მეტრიან, ფლურესცენციულ, ფერად ნათურებს. ვესტმა გამოიყენა 191 ინდივიდუალური ფერის ფილტრი და დააკავშირა 50 სხვადასხვა ფერთან, რომლებიც მხოლოდ ერთხელ მეორდებიან. სარკეები კი აირეკლავს და ფორმას უცვლის ფერად ნათებას, გარდაქმნის და წარმოქმნის ტალღისებურ ფორმებსა თუ თეთრ სინათლეს.

ღრუბლების ჭერი - ინტერაქტიული და ბრწყინვალე ნათურების ინსტალაციაა, რომელიც ჩიკაგოს ერთ-ერთ ბარში გვხვდება. ინსტალაცია პერმანენტულია და იყენებს მოძრავ სენსორებს, 15 000 ნათურასა და LED განათებას. პროექტი კეიტლინდ ბრაუნსა და გარეტ ვეინს ეკუთვნით. ჩიკაგომდე, მსგავსი ღრუბლების ჭერი, მათ კალგარში დაამონტაჟეს. თუმცა ეს უკანასკნელი დროებითი იყო და მისი ჩართვა-გამორთვა ნებისმიერ დამთვალიერებელს, თოკებზე ჩამოქაჩვით, შეეძლოთ. ჩიკაგოს ღრუბლების ჭერი დამზადებულია ფოლადისა და ამრეკლავი პლასტმასის ნაჭრისგან. მოძრავი სენსორების დახმარებით, ბარში მოსიარულე ადამიანებს LED განათებების კონტროლი შეუძლიათ. მოძრავი მინის ზედაპირი კი სინათლეს მთელი ბარის ტერიტორიაზე ავრცელებს და ადამიანების მოძრაობასა და მათ ენერგიას შეესაბამება.