ბევრ ქვეყანაში ბაღის ოთახის დამატება ტრადიციული არჩევანია. აქ პოპულარობით სარგებლობს შეღებილი მერქანი. ამ უკანასკნელს ბენეფიტები აქვს ისეთ მატერიაზე, როგორიცაა, ალუმინი. გასათვალისწინებელია ის ფაქტიც, რომ ხე უფრო დიდხანს ძლებს და დროთა განმავლობაში, მხოლოდ მცირედი შეღებვა თუ დასჭირდება ხოლმე. ბოლო დროს ტრენდული იდეაა ბაღის მინის ყუთში „ჩასმა“. ამ უკანასკნელის სტრუქტურა ორ შენობას ერთად ისე აკავშირებს, რომ არ იკარგება ორიგინალი არქიტექტურული დეტალები. მინის წყალობით ოთახში სითბო ნარჩუნდება. ეს კი განსაკუთრებით მნიშვნელოვანია ზამთარში. ზაფხულის სიცხის თავიდან ასაცილებლად კი ჟალუზები გამოიყენეთ. მათ შეუძლიათ მზის სხივების 70% გაფილტრონ. კარგი აზრია სახლსა და ბაღის ოთახს შორის ვერანდის მოწყობაც. ეს ერთგვარი ზღვარი იქნება შიდა და გარე ტერიტორიისთვის. ვერანდები ადაპტირებადია და შეუძლია დაფაროს კარის არე, ბილიკი ან შიდა ეზო. რაც შეეხება ავეჯს, გირჩევთ, თქვენს ბაღის ოთახს რამდენიმე ბალიში და ხალიჩა დაამატოთ, აუცილებელია კარგი განათებაც. რადგან ეს ოთახი თქვენი განტვირთვისთვისაა განკუთვნილი, შეგიძლიათ ბუხარიც კი შეიძინოთ. მსგავსი ოთახისთვის აუცილებლად გამოიყენეთ სპეციალურად გარე ეზოსთვის დამზადებული ავეჯი. ისინი ვიზუალურად ლამაზად გამოიყურება. ასევე ის ქსოვილები, რითაც ეს ავეჯი არის დამზადებული, ისინი ხარისხიანია და დიდხანს ძლებს. სივრცის ოპტიმალურად გასაზრდელად, გამოიყენეთ ბევრი სარკე. სარკეები აირეკლავს იმ მწვანე სილამაზეს, რასაც ჩვენს ბაღებში ვხედავთ. არ დაგავიწყდეთ შიდა განათება, რომელიც ძალიან მნიშვნელოვანია. შეიძინეთ მაგიდისა და იატაკის სანათურები.

რაც შეეხება ფერებს, გირჩევთ, გამოიყენოთ ნეიტრალური ფერების სქემა. ისინი განსაკუთრებით ნათლად და ღიად გამოიყურება მაშინ, როცა პატარა ზომის ბაღის ოთახი გაქვთ. თუ გსურთ, რომ ეს ოთახი ელეგანტურად გამოიყურებოდეს, გამოიყენეთ მუხისგან დამზადებული ავეჯი, მსუბუქი სკამები, ვინტაჟური ჭაღები. ეს უკანასკნელი ფრანგულ ელფერსაც კი შესძენს თქვენს კომფორტულ სივრცეს.