თუ თქვენს მისაღებ ოთახში ბუხარია დამონტაჟებული, დარჩენილი სივრცე სათავსოთი აითვისეთ. აუცილებლად გაითვალისწინეთ ოთახის ზომა და ბუხრის განლაგება. ყველაზე ოპტიმალური ვარიანტი კი ბუხრის გვერდი-გვერდ სათავსოების განლაგება იქნებოდა. როცა საქმე ბიბლიოთეკას ეხება, თქვენ შეგიძლიათ ერთი კედელი მას სრულად მიუძღვნათ. ზედა იარუსზე წიგნების ღია თაროები გააკეთეთ, ქვედაზე კი - დახურული. დაბალი მოდულები პოპულარული ტიპის სათავსოებია დაბალი ჭერის მქონე ოთახებისთვის. საშუალო ზომის ავეჯი იდეალურად შეესაბამება მისაღები ოთახის ლაკონურ ინტერიერს. მსგავსი სათავსოები ტელევიზორის ქვეშ განათავსეთ. მყუდრო ფასადები, მკაცრი ფორმები და ხაზები - ეს ყველაფერი თანამედროვე და პრაქტიკულ ინტერიერს ქმნის. მისაღებ ოთახში სივრცის სწორად განაწილებაში, სათავსოების ფანჯრების ქვეშ განლაგება, ყველაზე მეტად დაგეხმარებათ. იდეალური აზრი იქნებოდა, თუ მათი დახმარებით, სამუშაო ადგილს შექმნიდით. ამისთვის დაგჭირდებათ პატარა საწერი (პლუს კომპიუტერის) მაგიდა, რომელსაც შენახვის ფუნქციაც ექნება, მინი-ავეჯი და მოსახერხებელი სკამი.

რაც შეეხება ფერებს, ღია ფერის თეთრი თაროები პოპულარობას არ კარგავს. ეს ფერი კარგად ესაბამება ნებისმიერ ავეჯს. ტრენდულია ნაცრისფერის გამოყენებაც. ის ნეიტრალურია და სათავსოებს გამძლე იმიჯს უქმნის. გამოიყენება შემდეგი მასალები: ლამინატი, პარკეტი და ხე. ამ უკანასკნელისგან დამზადებული სათავსოები კი პოპულარობას და ტრენდულობას ნამდვილად არ კარგავს.