60-90-იანი წლების დერეფან-კაბინეტური სისტემა ყველა ჩვენგანისთვის ნაცნობი დიზაინია. ამ დროინდელი „ოფისებისთვის“ დამახასიათებელი იყო მონოტორული ავეჯი, ტიპური დაგეგმარება, არამეგობრული ატმოსფერო. ეს, ფაქტობრივად, იმავე ეპოქის ასახვას წარმოადგენა: იერარქიული, ხისტი სტრუქტურა და სისტემისადმი სრული დაქვემდებარება.

2000-იან წლებში შემოდის ღია ოფისის იდეა. საინოვაცია-საინფორმაციო თაობა ღია განლაგების ოფისურ ოთახებს „აშენებს“. ნელ-ნელა შიდა დანაყოფები ქრება. ამის შედეგად ვიღებთ, მჭიდროდ განთავსებულ სამუშაო ადგილებს. მსგავსი განლაგება უფრო კოლექტიურ, მეგობრულ ატმოსფეროს ქმნის. მთავარი იდეა კი ცალკეული განყოფილებების და დეპარტამენტების კომუნიკაციის გაუმჯობესებაა. 2010-იანი წლებიდან დღემდე, კომპანიების უმეტესობა პროექტზეა ორიენტირებული. რას ნიშნავს ეს? მაგალითად, თუ ადრე თანამშრომლები უფროსისგან დავალებას იღებდნენ და შემდეგ მას ასრულებდნენ, დღესდღეობით მსგავსი სიტუაცია შეცვლილია. დავალებების შესასრულებლად იქმნება მთლიანი საპროექტო ჯგუფი. ასეთი სამუშაო მოითხოვს ღია და მოქნილ სივრცეს.

ყველაზე გავრცელებული ტიპის, მოქნილი ოფისის (flex-office), მთავარი კონცეფცია თანამშრომლებისთვის არაპერსონიფიცირებული სამუშაო ადგილების გამოყოფას გულისხმობს. რადგანაც ზოგი თანამშრომლის მოვალოება მომხმარებელთან შეხვედრა, მოლაპარაკება, პრეზენტაციაა, მათთვის თავისუფალი სამუშაო ადგილი იდეალური ვარიანტია. მოქნილი ოფისისთვის შემდეგი ნივთებია საჭირო: სარეზერვო მაგიდა - გამოიყენება სპეციალურ სიტუაციებში, გარკვეული დროის განმავლობაში; საერთო მაგიდა - რომლის დაკავება თანამშრომელს თავისუფლად შეუძლია; სამუშაო ოთახი და მასთან ერთად, წყნარი ზონა - აქ აკრძალულია ლაპარაკი ერთმანეთში ან ტელეფონზე; გუნდისთვის განკუთვნილი სამუშაო ადგილი - აქ გუნდური მუშაობისთვის ერთზე მეტი მაგიდა დგას; სატელეფონო ზონა - პატარა ოთახი მოლაპარაკებებისა და კონფერენციებისთვის; სწრაფი მოსალაპარაკებელი ოთახი - გამოიყენება ტრადიციულ ოთახადაც. განსხვავდება მხოლოდ იმით, რომ აქ დასაჯდომი ადგილი არ არის; არატრადიციული სამუშაო ადგილის ალტერნატივას ტერასა, აივანი და კაფე ითავსებს.

არსებობს კლუბური ტიპის ოფისი იგივე კოვორკინგი. ეს არის სამუშაო ადგილის გარკვეული დროით გაქირავების შესაძლებლობა. გამოირჩევა მაღალეფექტური ინფრასტრუქტურითა და შესანიშნავი ტექნოლოგიებით. გამოყოფილია შემდეგი ზონები: მოსალაპარაკებელი, შესახვედრი, რეკრეაციული. კოვორკინგი არაჩვეულებრივია პატარა კომპანიებისა და ფრილანსერებისთვის.