ჩარლზ ბუკოვსკი ამბობდა, რომ უნდა ვიპოვოთ ის, რაც გვიყვარს და უფლება მივცეთ მოგვკლას. ამ რჩევისთვის დაჯერება სახლის დეკორირებისას ნამდვილად არ იქნება ჭკვიანური, რადგან სიკვდილის ალტერნატივა აქ ნერვული აშლილობაა. მიუხედავად ამისა, რემონტის დროს ხშირად სწორედ ასეთ გადაწყვეტილებებს ვიღებთ: თუ კონტრასტი მოგვწონს, ან უბრალოდ ნარინჯისფერზე „ვგიჟდებით“, წითლად ვღებავთ მთლიან კედელს ან ვაკეთებთ იმდენ ნარინჯისფერ აქცენტს რომ იგი დომინანტი ხდება. ასეთი შემთხვევები ინტერიერის დიზაინში იმდენად ხშირია, რამდენადაც პასტელური ფერით გადარეცხილი სივრცეები და მდიდრული ოქროსფერით აწყობილი ღარიბული ოთახები. ფერი ძალიან მნიშვნელოვანია და სწორედ ტონალობა ქმნის სივრცის იერს და საცხოვრებელ გარემოს.

ჩარლზ ბუკოვსკი ამბობდა, რომ უნდა ვიპოვოთ ის, რაც გვიყვარს და უფლება მივცეთ მოგვკლას. ამ რჩევისთვის დაჯერება სახლის დეკორირებისას ნამდვილად არ იქნება ჭკვიანური, რადგან სიკვდილის ალტერნატივა აქ ნერვული აშლილობაა. მიუხედავად ამისა, რემონტის დროს ხშირად სწორედ ასეთ გადაწყვეტილებებს ვიღებთ: თუ კონტრასტი მოგვწონს, ან უბრალოდ ნარინჯისფერზე „ვგიჟდებით“, წითლად ვღებავთ მთლიან კედელს ან ვაკეთებთ იმდენ ნარინჯისფერ აქცენტს რომ იგი დომინანტი ხდება. ასეთი შემთხვევები ინტერიერის დიზაინში იმდენად ხშირია, რამდენადაც პასტელური ფერით გადარეცხილი სივრცეები და მდიდრული ოქროსფერით აწყობილი ღარიბული ოთახები. ფერი ძალიან მნიშვნელოვანია და სწორედ ტონალობა ქმნის სივრცის იერს და საცხოვრებელ გარემოს.

პირველ რიგში, ინტერიერის დიზაინერები გვირჩევენ, რომ დავიცვათ ბალანსი. ეს კი ფერთა გამის არჩევას და მის ფარგლებში ჭადრაკულად ზუსტი გადაწყვეტილებების მიღებას გულისხმობს. დღესდღეობით, ითვლება, რომ რაც უფრო ფართო ფერთა გამას ააწყობთ, მით უფრო მრავალფეროვანი და საინტერესო გამოვა დეკორი. თუმცა, უფრო თამამი ინტერიერის დიზაინერები, თამამ დამკვეთებთან ერთად, ერთი ფერის მრავალ ტონალობას ათამაშებენ სივრცეში. მიღებული მეთოდია კედლების თეთრად შეღებვა და ავეჯით, იატაკითა და დეკორით სიჭრელის შეტანა საცხოვრებელში.
გასულ წელს, British Columbia-ს მეცნიერებმა დაადგინეს, რომ ლურჯი, მწვანე, იისფერი და მათი ელექტრული ვარიაციები კრეატიულობასა და პროდუქტიულობაზე დადებითად მოქმედებს. ყველამ კარგად ვიცით, რომ ფერს მხოლოდ ესთეტური დატვირთვა არ აქვს, ამიტომ, ამ ფერების დომინანტ ტონებად არჩევა ძალიან პოპულარული და მოდური გახდა.აქტუალურია თეთრიც, თუმცა, „იერის განმსაზღვრელ“, დომინანტ ფერებთან ძირითადად ვარდისფერს, მის მშვიდ, ჭუჭყიან ფერს არჩევენ. იგივე ხასიათის ყვითელი ტონალობებიც ძალიან აქტუალური ტრენდია.
ზოგადად, თანამედროვე, საცხოვრებელი ინტერიერის დიზაინი ბალანსზეა ორიენტირებული. იქნება ეს თეთრ გარემოში შეტანილი ბუნებრივი მასალის ტონები, თუ ელექტრული, ჭრელი ფერები, მთავარია ოთახში დატოვოთ თუნდაც სულ პატარა, ნეიტრალური სივრცე.