კაფელის მასალებიდან გამომდინარე 4 ტიპის ფილას გამოყოფენ: 1. კერამიკული ფილა - ეს არის ყველაზე იაფი ვარიანტი, რაც მის წუნზე არ მიგვანიშნებს. უბრალოდ, სხვა ფილებს ტექნიკური მახასიათებლებით ბევრად ჩამოუვარდება. 2. ფაიფურის ფილები - მისი მასალა ბუნებრივ ქვას ჰგავს, თუმცა შედარებით ძნელად ტყდება. არ იშლება ყინვისა თუ ტემპერატურის რადიკალური ცვალებადობის დროს. 3. ბუნებრივი ქვა - ამ ტიპის კაფელი ყველაზე მოთხოვნადია. ეს არის ბუნებრივი სუფთა მასალა, რომელიც ზედაპირზე გაჩენილი ბაქტერიების მიმართ მგრძნობიარეა. 4. მინის ფილები კი ყველაზე ძვირადღირებულ სიამოვნებას წარმოადგენს.

განსაკუთრებული მნიშვნელობა აქვს ფილების ზომასა და ფორმას. ზომების კლასიფიკაციის მიხედვით, შეგვიძლია გამოვყოთ, სტანდარტული, დიდი და პატარა ფილები. სტანდარტული დაახლეობით 20-30 სანტიმეტრისა. თუ სააბაზანო ოთახი არც ისე დიდი ფართისაა, ფილების საშუალებით ის შეგიძლიათ ვიზუალურად გაზარდოთ. მაგალითად, ამაში დაგეხმარებათ მოჭიქული, ამრეკლავი ზედაპირის ან სარკისებრი ფილები. ასევე უმჯობესია კედლის ფილები ვერტიკალურად იყოს დაწყობილი, იატაკის კი - დიაგონალურად.

ფერთა შერჩევისას გაითვალისწინეთ უმნიშვნელოვანესი ფაქტორი: ოთახის განათება. რაც უფრო მუქია სააბაზანო, თქვენ უნდა ეცადოთ, რომ ის ნათელი ფილებით დაამშვენოთ. ხშირად გამოყენებადი ფერთა ტანდემი თეთრი და შავი ტონია, რომელიც პოპულარობას, ალბათ, არასოდეს დაკარგავს. გახსოვდეთ, რომ ამფერი ფილების შემთხვევაში, ისინი ხშირად უნდა წმინდოთ, რადგან მცირეოდენი ტალახი, საპონისა თუ წყლის ლაქები მარტივად შესამჩნევია ხოლმე. ლურჯი და მწვანე ტონი სააბაზანო ოთახის ფერთა გამაში ლიდერები არიან. ლურჯი წყლის ფერია, მწვანეს კი დამამშვიდებელი ეფექტი აქვს. ალტერნატიულ ფერებს რაც შეეხება, ესთეტიკური თვალსაზრისით, ყვავილოვანი ფერთა გამა ვიზუალურად ლამაზ ეფექტს ქმნის.