და მაინც რა არის ფლორარიუმი? - ეს არის აკვარიუმისებრი ჭურჭელი, სადაც ზრდიან სხვადასხვა პატარა მცენარეს. ფლორარიუმისთვის საჭირო ჭურჭელს ყოველთვის განსხვავებული ფორმა აქვთ, იმისათვის რომ მათში მცენარეებისთვის საჭირო მიკროკლიმატი შეიქმნას. საერთოდ, გამოყოფენ ფლორარიუმის სამ ძირითად ჯგუფს. ჩვენ სამივე მათგანს დეტალურად განვიხილავთ, რათა მათი შექმნის პროცესში თქვენთვის სასურველი ფლორარიუმი მარტივად დაამზადოთ.

ყველაზე მეტი პოპულარობით სარგებლობს აკვარიუმის ტიპის ფლორარიუმი. ეს ნიშნავს იმას, რომ ჭურჭლად იყენებენ ჩეულებრივ აკვარიუმს, რადგან ეს ყველაზე მისაღებ და კომფორტულ ვარიანტად ითვლებაა ფლორარიუმის შექმნის დროს. ასევე, მასთან მუშაობა დამწყებისთვისაც მარტივია. რაც შეეხება მეორე ჯგუფის ფლორარიუმებს, მათ გასაკეთებლად გამოიყენება შუშის ვაზები და დოქებიც კი. მსგავსი ჭურჭელის უამრავი ვარიაცია არსებობს და ის თქვენი ინტერიერის შესაბამისად უნდა შეარჩიოთ. გახსოვდეთ, რომ მსგავს მასალასთან მუშაობა უფრო რთულია. ფლორარიუმის ბოლო ჯგუფი ბოთლისებური ჭურჭლის გამოყენებით იქმნება. ასეთ ჭურჭელში მოთავსებული მცენარეები ყოველთვის ეფექტურად და თანამედროვედ გამოიყურება. თუმცა სამწუხაროდ სწორედ ასეთი ვარიანტის დამზადებაა ყველაზე რთული. ეს დაკავშირებულია იმასთან, რომ მცენარეების ჩასმა და მოვლა, ბოთლის წვრილი ყელის გავლით საკმაოდ რთულია.

თუ თქვენ პირველად აკეთებთ ფლორარიუმს, მაშინ გირჩევთ შეარჩიოთ ფართო და არაძვირადღირებული ჭურჭელი. გახსოვდეთ ყველაზე უბრალო ჭურჭელშიც კი შეიძლება ულამაზესი შედევრის შექმნა, ამას თქვენ მიერ არჩეული მცენარეები უზრუნველყოფენ. მცენარეების შერჩევის დროსაც ბევრი რამ უნდა გაითვალისწინოთ. თქვენ შეგიძლიათ სხვადასხვა მცენარებიი მოათავსოთ ერთ სივრცეში, მაგრამ უნდა გახსოვდეთ, რომ მათ ერთი და იგივე პირობები და მოვლა უნდა სჭირდებოდეთ. მხოლოდ ამ ფაქტორის გათვალისწინების შემდეგ შეძლებთ ორიგინალური ფლორარიუმის გაკეთებას.

ახლა კი, დეტალურად განვიხილოთ მარტივი ფლორარიუმის შექმნა, რომლისთვისაც ჩვეულებრივი აკვარიუიმი დაგჭირდებათ. ასევე უნდა მომარაგოთ: საწრეტი, ხავსები, გრუნტი, ხელთათმანები, პინცეტი, წყლის პულივიზატორი, დამატებითი დეკორი. კარგად გარეცხეთ აკვარიუმი და გამოაშრეთ. ძირში მოათავსეთ საწრეტი. საწრეტად შეგიძლიათ გამოიყენოთ ქვიშა, დატეხილი აგური, დეკორატიული ქვიშა ან რაიმე სხვა. საწრეტს ოდნავ მოასხით წყალი. ზევიდან მოაყარეთ ცოტაოდენი გრუნტი და მოაწყვეთ ზევიდან ხავსი. პინენტით მოათავსეთ მომზადებული მცენარეები და მოასხით წყალი. ზევიდან მოათავსეთ სურვილისამებრ შერჩეული გარე დეკორი და თქვენი ფლორარიუმი მზადაა.