რეტრო სტილის დეტალების დამატება არ ნიშნავს იმას, რომ სივრცე ძველმოდური ან დაძველებული იქნება. პირიქით... ასევე ეს სტილი არც ფუფუნებას ითხოვს და არც უკანასკნელი ტექნოლოგიური მიღწევების გათვალისწინებას. აი, რა დეტალებზე უნდა გაამახვილოთ ყურადღება: რადგანაც შპალერი ოთახში დიდ სივრცეს იკავებს, რეტრო ატმოსფეროს შესაქმნელად, გეომეტრიული პატერნი უნდა შეარჩიოთ. ასევე შეგიძლიათ მხოლოდ ერთი კედელი დაფაროთ მსგავსი შპალერით და თქვენი სამზარეულო უფრო ექსტრავაგანტული გახდება. ჭურჭლის შესალაგებელი კარადა ამ ოთახის განუყოფელი ნაწილია. ასევე შეგიძლიათ მთელი კარადა ღია ფრად შეღებოთ, ხოლო უჯრები თეთრად დატოვოთ. ამით საინტერესო კონტრასტს შექმნით. რეტრო სტილის გათვალისწინებით, ისინი შეგიძლიათ შემდეგი ფერებით შეღებოთ: მუქი მწვანე, მოცისფრო-მომწვანო, ყვითელი. ამ სტილისთვის კი ყველაზე დამახასიათებელი ფერი ცისფერია. მისი სხვადასხვა ჩრდილი განსაკუთრებით უხდება სკამებსა და მაგიდებს. თუ პატარა სამზარეულო გაქვთ, თეთრი და ყვითელი ფერის კომბინაციით, მას ვინტაჟურ იერსაც შესძენთ და ვიზუალურად გააფართოვებთ კიდეც. ვინტაჟური სამზარეულოსთვის ფილები კარგი გადაწყვეტილებაა. თეთრი ქვის ფორმის ფილები რეტრო სტილთან ასოცირდება, პლუს, ეს უკანასკნელი სივრცეს ვიზუალურად გაზრდის და სინათლეს დაამატებს. ასევე პატარა სარკეების ფუნქცია ექნება.

რაც შეეხება აქსესუარებს, გამოიყენეთ მეტალის ნივთები. ფარდებს ასევე დიდი ყურადღება უნდა მიაქციოთ. თავისი სპეციფიკურობიდან გამომდინარე, ვინტაჟური პრინტის ყიდვა ნებისმიერი ქსოვილის მაღაზიაში შეგიძლიათ, შემდეგ კი ფარდებს თქვენივე ხელით შექმნით. ფანჯრები მინიმალისტური უნდა იყოს. ჩარჩო შედარებით თანამედროვე შეარჩიეთ. ხოლო თუ მათი ფერი კარადის ფერს დაემთხვევა, სამზარეულოს ოთახი ბევრად ელეგანტურ იერს მიიღებს. აქსესუარებისთვის გამოიყენეთ სიგარეტების ძველი კონტეინერები, კოსმეტიკა, ისეთი ნივთები, რომლებსაც ფუნქციური დატვირთვა აღარ აქვთ.