2017 წელს, ინტერიერის მთლიანად თეთრში გადაწყვეტა, წამყვანი ტრენდი იყო. ეს ფერი არც მომავალ წელს დაკარგავს პოპულარობას, თუმცა მას ნეიტრალური ფერები, ცისფერი, ნაცრისფერი და კრემისფერი, დაუმატეთ. 2018-ში, თეთრი და უჟანგავი ფოლადის ნიჟარები მოდური აღარ იქნება. მათ ადგილს ქვის მასალისგან დამზადებული მუქი დიზაინის ნიჟარა დაიკავებს. მოდიდან გადადის აქცენტური კედელიც. ამ უკანასკნელს რაც შეეხება, კედლებზე დატანებულ სენტიმენტალურ ციტატებსა თუ წარწერებს, წინა წლების განმავლობაში, ხშირად ვხედავდით. 2018 წლისთვის კი, ეს კონცეპტი მომაბეზრებელი და ძველმოდური ხდება.

ულტრა იასამნისფერი და ოკეანისფერი მწვანე (ზურმუხტისფერისა და საფირონის ტანდემი) 2018 წლის წამყვანი ფერებია. შემოდგომიდან მოყოლებული კი, კაშკაშა ხავერდის ავეჯი ერთ დიდ ტრენდად გვევლინება. საძინებელ ოთახში შედარებით წყნარი ფერები, მაგალითად, იასმნისფერი გვხვდება. ეს არის ცვალებადი და ფემინური ფერი, რომელსაც დიზაინერები მილენიალურ ვარდისფერსაც უწოდებენ. მოდურია მძიმე კაბინეტიანი სამზარეულოც, რომელიც თბილ ნარცისფერში, ლურჯსა და კრემისფერში არის გადაწყვეტილი. მოგწონთ თუ არა, თითბერი ძველ დიდებას 2018 წლისთვის კვლავ იბრუნებს. ის განსაკუთრებით უხდება სამზარეულოსა და მისაღები ოთახის ავეჯს. მოდაში შემოდის იაპონური ხელოვნების ერთ-ერთი მიმართულება: ვაბი-საბი - ვიპოვოთ სილამაზე არასრულყოფილებაში. სახლის დიზაინში, კონკრეტულად ეს სტილი გულისხმობს ხელით დამზადებულ ან ხელით მოხატულ ნივთებს, რომელშიც შედის, როგორც თეთრეული, ასევე კერამიკა. შედეგად თქვენ იღებთ პერსონალურ, ორგანულ, ესთეტიკურ ნამუშევრებს. ორიგინალური ფორმის, 70-იანი სტილის, ავეჯი თქვენს მისაღებ ოთახს რეტრო ატმოსფეროს მიანიჭებს. ყვავილოვანი პრინტი წელსაც არ კარგავს ტრენდულობას. ტრადიციულად ფემინური სტილი ახლებურად გამოიყურება, თუ მათ ბოჰემურ სტილში გადაწყვეტთ. ორგანულ მატერიებზე დატანებული ყვავილოვანი პრინტი და ნეიტრალური პალეტი ინტერიერს განსაკუთრებულ ელეგანტურობას სძენს. ტრენდულობას ასევე არ კარგავს შავისა და თეთრის კლასიკური კომბინაციაც. მოდურია ქვის ნებისმიერი ტიპი. გაზაფხულზე კი, დიზაინერები ვარაუდობენ, რომ მაღალი ხარისხის მატერიები, როგორებიცაა, მარმარილო და ალბატრონი, გამოყენების პიკს მიაღწევს.