პატარა სახლების მსგავსად სარკის სახლები უახლესი არქიტექტურული ტრენდია. ბოლო წლების განმავლობაში, ევროპაში, ამგვარი ნაგებობების აგების თემა, მოულოდნელად წამოიჭრა. ეს ამრეკლავი სახლები იმ ბუნებას ასახავს, რაც მათ გარშემოა. იქმნება ისეთი სტრუქტურა, რომელიც ბუნებასთან შერწყმულია. სარკეების უმეტესობა აგებულია ულტრაიისფერი სხივების ამრეკლავი მინისგან. ეს არის პატერნი, რომელიც ადამიანებისთვის შეუმჩნეველია, მაგრამ ფრინველებისთვის - პირიქით. ამით არქიტექტორები ბუნებისა და ცოცხალი ორგანიზმების უსაფრთხოებას უზრუნველყოფენ.

ეს ორი სარკის სახლი ერთმანეთის გვერდულად იტალიის ულამაზეს ქალაქ ბოლზაონში მდებარეობს. არქიტექტორი პიტერ პიჩლერია. ნაგებობა დამსვენებელს უნიკალურ შესაძლებლობას სთავაზობს. ეს არის თანამედროვე არქიტექტურა, რომელიც უმაღლეს სტანდარტებს აკმაყოფილებს, გარედან კი ულამაზესი ბუნებით არის გარშემორტყმული. სახლს აქვს კერძო ბაღი და საპარკინგო სივრცე. თავად ორივე სახლში არის სამზარეულო, მისაღები ოთახი, სააბაზანო და საძინებელი ოთახი თავისი უდიდესი სათავსოებით. ამ უკანასკნელში ფანჯრები ჭერზეა დამონტაჟებული, რაც ბუნებრივი სინათლის გავრცელებასა და ვენტილაციას ხელს უწყობს. პატარა სარდაფი კი დროებითი სათავსოა. პროექტის დონე ორ ნაწილად არის გაყოფილი, რომლებიც ერთმანეთისგან სიმაღლესა და სიგანეში ოდნავ განსხვავდება. ეს მთლიანი სტრუქტურის შემცირებასა და თითოეული მათგანის გამოხატვას უზრუნველყოფს.