ერთ-ერთი დასამახსოვრებელი ინკლუზიური სათამაშო მოედანი ისრაელში მდებარეობს. „მეგობრობის პარკი“ შექმნილია იმ ვიზიტორებისთვის, რომლებსაც შეზღუდული შესაძლებლობები აქვთ. დიზაინი სენსორული თერაპევტის ექსპერტს მაიკლ შაპიროს ეკუთვნის. 9 ჰექტარის ფართობის სივრცე ადგილობრივი მუნიციპალიტეტის და ებრაული ნაციონალური ფონდის მიერ დაფინანსდა. 2005 წელს გახსნილი „მეგობრობის პარკი“ ისრაელის ისტორიაში პირველი ინკლუზიური სათამაშო მოედანია. 2011 წელს ეკვადორის ვიცე-პრეზიდენტი ლენინ მორენო ისე მოიხიბლა ამ პარკის არსებობით, რომ ეკვადორში 200 ინკლუზიური სათამაშო მოედნის აშენება გადაწყვიტა. ვირჯინიას სანაპიროზე საკმაოდ საინტერესო სათამაშო მოედანს შეხვდებით სახელად: „Playground for Every“BODY”“. ავტორი ჯოშ ტომპსონია, რომელსაც ლუ გერიგის დაავადება (ამიოტროფული გვერდითი სკლეროზი) სჭირს - მისი კუნთები დასუსტებულია , შესაბამისად, ჯოშს გადაადგილება არ შეუძლია. ბიჭს ბავშვობიდანვე უყვარდა ზღვა, ამიტომ მამამისმა ქალაქის ადმინისტრაციას შესთავაზა ინკლუზიური სანაპირო მოედანი მოეწყოთ. იდეა არაჩვეულებრივი აღმოჩნდა. ერთი მილიონი დოლარით და შემოწირულობებით უნაკლო პარკი შეიქმნა. ის მოიცავს ამაღლებულ მაგიდებს ქვიშისგან სასახლეების გასაკეთებლად, სენსორულ პანელს მხედველობა დაქვეითებული ბავშვებისთვის და სხვა.

„ლივის ადგილი“ - პირველი ყოვლისმომცველი სათამაშო მოედანია ავსტრალიაში. ის გაიხსნა 2009 წელს ჯონ პერკინსის მიერ. მისი ქალიშვილი ოლივია იშვიათი დაავადებით გარდაიცვალა. მამამისმა კი ეს პარკი სწორედ მას მიუძღვნა. სათამაშო მოედანი აღჭურვილია შშმ პირებისთვის განკუთვნილი საქანელებით, კარუსელებით და სხვა ინვენტარით. ეს ინკლუზიური პარკი 2010 წელს ავსტრალიის ტოპ ადგილებში მოხვდა და პრიზიც აიღო, ყველაზე ინოვაციური პროექტისთვის