რა თქმა უნდა, დღეს მხოლოდ ქონების დაზღვევით უსაფრთხოების განცდა არ ხდება და ეს საქმე უფრო დიდ მასშტაბებს მოიცავს. ჩვენთვის მნიშვნელოვანია ისეთი ადგილის შერჩევა, სადაც კრიმინალის დონე ნაკლებია. რაც არ უნდა გასაკვირი იყოს, 21-ე საუკუნის დასაწყისში, კრიმინალის კონტროლის ერთ-ერთ მექანიზმად არქიტექტურა შეგვიძლია დავასახელოთ. სწორი ქალაქგეგმარება დაცულ სივრცეს გვთავაზობს, რომელიც თავისთავად დანაშაულის პრევენციაზეა პასუხისმგებელი. წარმატებული სამეზობლოს შექმნისთვის საჭიროა ადამიანი პირად უსაფრთხოებას გრძნობდეს ქუჩაში. ეს უკანასკნელი თავად უნდა უმკლავდებოდეს და არეგულირებდეს უცხო ადამიანების მიმოსვლას. სიცოცხლისუნარიან და დაცულ ტერიტორიების მთავარი პლუსი არის ის, რომ ისინი კონტროლირდება არა პოლიციის, არამედ იმ ადამიანების მიერ, რომლებიც ამ სივრცეს ერთად იზიარებენ.

რა ფაქტორი შეიძლება იწვევდეს კრიმინალის რიცხვის ზრდას საცხოვრებელ კორპუსში? პირველი მიზეზი შეგვიძლია ანონიმურობა ჩავთვალოთ, როდესაც ადამიანები მეზობლებს არ იცნობენ. ასევე როცა შემცირებულია თვალთვალი და დამნაშავეს დანაშაულის შეუმჩნევლად ჩადენა თავისუფლად ხელეწიფება. რაც ყველაზე მთავარია - ეს არის გაქცევის გზების ხელმისაწვდომობა - ეს კრიმინალს დანაშაულის ადგილიდან მიმალვას უადვილებს. არსებობს რამდენიმე პრინციპი, რომელიც უსაფრთხოების შენარჩუნებაში გვეხმარება. კვლევების მიხედვით დანაშაულის რიცხვი უფრო ნაკლებია იქ, სადაც დიდი სიმჭიდროვის დასახლებაა. რაოდენ გასაკვირიც უნდა იყოს, ტრანზიტული მოძრაობა კრიმინალს ხელს უწყობს. საცხოვრებელი ადგილის უსაფრთხოება კი იმაზეა დამოკიდებული, თუ როგორ არის ის საჯარო სფეროსთვის გახსნილი: ბინები ყველაზე მეტად უსაფრთხოა, ცალკე მდგომი საცხოვრებლები - მეტ-ნაკლებად. ასევე საცხოვრებლები უნდა იყოს განალგებული ქუჩის ორივე მხარეს. ეს ადგილობრივ მოძრაობას წარმოქმნის და თან ზედმეტად შეღწევადი არ არის. რაც შეეხება ქუჩებს, ისინი უმჯობესია ჩიხის ტიპის იყოს, ვიდრე ქსელური.

როგორ შეუძლია კარგ ურბანულ დიზაინის კრიმინალის შემცირება? ეს არ ნიშნავს მაინცდამაინც ქალაქის იერსახის დამახინჯებას: ბევრი საკეტის, ჭანჭიკის დამონტაჟებას, მაღალი კედლების, ღობეების და ბარიერების ჩადგმას, თუმცა დახვეწილ და ჭკვიანურ დიზაინერულ ცვლილელებს მნიშვნელოვანი წვლილი შეუძლია შეიტანოს კრიმინალის შემცირებაში. იმისათვის, რომ თავი უფრო მეტად დაცულად იგრძნოთ, თქვენი საცხოვრებელი სახლი შესაბამისი დონეზე აღჭურვეთ, დაამონტაჟეთ სამეთვალყურეო კამერებიდა სიგნალიზაცია. დღევანდელი ტექნოლოგიური პროგრესი საშუალებას იძლევა თავად ვაკონტროლოთ სახლი და ის ჭკვიანი ტექნიკით აღვჭურვოთ, რაც ასევე გავრცელებული პრაქტიკაა.