2017 წლის გამარჯვებული ინსტალაცია კი ემიგრანტების თემას შეეხო. „ერთ დროს ჩვენც უცხონი ვიყავით“ წარმოადგენს 33 მეტალის სვეტს, რომლებიც იმ კვლევის შედეგებს ასახავს, სადაც ნიუ-იორკის უცხოელი მაცხოვრებლების წარმომავლობასა და გადაადგილების ადგილებია მოცემული. როცა დამთვალიერებელი ინსტალაციას შემოუვლის, წითელი და ვარდისფერი ბლოკები გულის ფორმას ქმნის. ეს კი, თავისთავად, წმინდა ვალენტინის დღის სიმბოლოა. ინსტალაციის სახელწოდების ინსპირაცია ბარაკ ობამასგან იღებს სათავეს. ეს არქიტექტურული ნამუშევარი ემიგრანტების როლს წინა პლანზე წევს.

„Collective-LOK“-ის ინსტალაცია კი 2016 წლის გამარჯვებული გახდა. ეს არის გიგანტური, სარკისებრი გულები, სახელად, „გულების გული“. ნამუშევარი 9 სარკისებრი ოქროს გულისგან შედგება. ისინი ერთად ალტერნატიულ პავილიონს ქმნიან, რომელიც ტაიმზ-სკვერის ცხოვრების სწრაფ ტემპს ასახავს. თითოეულ გულს შორის დაშორებაა, სადაც შეყვარებულ წყვილებს კოცნა და სურათის გადაღება შეუძლიათ. შემქმნელები მოხარულნი არიან, რომ მათი ინსტალაცია გადატვირთულ ცენტრში ინტიმურობის პერფორმანსს ქმნის.

2015 წლის წმინდა ვალენტინის დღისთვის განკუთვნილი ინსტალაცია ვენესუელურმა ფირმა „Stereotank”-მა შექმნა. ეს არის, რა თქმა უნდა, გულის ფორმის სკულპტურა, რომელიც ხმას გამოსცემს. ეს ერთგვარი დოლია, რომელზეც დაკვრა ნებისმიერ სტუმარს შეუძლია. ინსტალაციის სახელია „გულისცემა“ და 6 ინსტრუმენტითაა გაფორმებული. თითოეულ დრამს უნიკალური ბგერა აქვს, რაც უამრავი რიტმისა და მელოდიის შექმნის საშუალებას იძლევა.