მუზეუმის განსაკუთრებულობა იმაშიც მდგომარეობს, რომ თქვენ ერთიდაიგივე მუზეუმში ორჯერ ვერასდროს მოხვდებით, რადგან ციფრული ხელოვნება დინამიური და მუდმივად ცვალებადია. სულ რამდენიმე წუთში, ერთ ადგილას დგომით, თქვენ შეგიძლიათ განიცადოთ სცენის ცვალებადობა, ფერთა აფეთქება, მზესუმზირათა წვიმა. შემდომ, როდესაც ისევ ამ წერტილში დაბრუნდებით, მიხვდებით რომ სეზონი შეიცვალა და ახლა საერთოდ სხვა რამის განცდა მოგიწევთ.

ამ მუზეუმს ტყუილად არ უწოდებენ „საზღვრებს გარეშეს“ - ხელოვნება მოძრაობს თავისუფლად. დერეფნებში გადადგილების დროს თქვენ შეიძლება აღმოჩნდეთ პერფომერების კამპანიაში, რომლებიც მუზეუმის ნაწილნი არიან.

ციფრული ხლოვნების მუზეუმი იდეალურ ფონს ქმნის ესთეტიკური სურათების გადასაღებად. ორი ყველაზე პოპულარუი ინსტალაცია - „კრისტალის სამყარო“ და „რეზონანსული განათების ტყეა“. პირველი, ეს არის ოთახი, რომელიც მთლიანად სარკეებით და კაშკაშა ფერადი განათებებითაა დაფარული (განათების ფერ სურვილისამებრ ცვლით). მსგავსი სივრცეების არსი ისაა, რომ მნახველმა მიიღოს დაუვიწყარი შთაბეჭდილება და გამოცდილება იმისა, რომ ხელოვნებას არ აქვს საზღვრები და ადამინები მისი შემოქმედნი არიან. აქ უამრავ ისეთ პროექციას წააწყდებით, რომელიც თქვენი ხელის შეხებაზე რეაგირებენ და იცვლებიან.

რაც შეეხება „რეზონანსული განათების ტყის“ სივრცეს, ეს ადგილი დიდი პოპულარობით სარგებლობს ბავშებში, რადგან ის სათამაშო სივრცეცაა. ბავშვებს თითოეული ახტომით, ან ხელის შეხებით შეუძლიათ შექმნან პლანეტები, შავი ხვრელები და მთლიანი კოსმოსური სამყარო.