მრგვალი ვილა მიწისქვეშ - შვეიცარიაში, სოფელ ვალსში, მდებარეობს ადგილობრივი ღირსშესანიშნაობა - მიწისქვეშა ვილა, რომელიც მხოლოდ ერთი მხრიდან გაჰყურებს მთიან პეიზაჟს. სახლი ისეა დაპროექტებული, რომ თითოეულ ოთახში ერთი ფანჯარაა. მზის სხივები, რომლებიც მხოლოდ ერთი მხრიდან აღწევს სახლში, ანათებს 4 საძინებელს, სტუდიოს ტიპის მისაღებს და ბიბლიოთეკას.

ბოინგის ფრთის ქვეშ - ეს უნიკალური სახლი მალიბუში, აშშ-ში მდებარეობს. მისი განსაკუთრებულობა სახურავში მდგომარეობს, რომელიც ყველას ყურადღებას იპყრობს, რადგან ის ბოინგ 747- ის ფრთებითაა გაკეთებული. როგორც ცნობილია, სახლის მეპატრონემ ამ უნიკალურ სახურავში 50 000 დოლარი გადაიხადა.

უჩინარი სახლი - სახლი, რომელსაც სარკის ფასადი აქვს წარმატებით ირეკლავს ადგილობრივ, ულამაზეს პეიზაჟს. ეს უნიკალური სახლი იტალიაში მდებარეობს და მისი შექმნის იდეაც იტალიელ არქიტექტორს, პიტერ პიხლერს ეკუთვნის. მან გადააადგილა ბლოკები იმისათვის, რომ სახლისთვის მეტი დინამიურობა შეეძინა, ხოლო მთელი შენობა პლატფორმაზე შედგა, რათა მისთვის სიმსუბუქის განცდა შეემატებინა.

სახლი ჰაერში გამოკიდებული აუზით (მადრიდი, ესპანეთი) - ამ სახლის არქიტექტორებს მთელი წელი დასჭირდათ იმისთვის, რომ შეექმნათ პროექტი და გაეთვალათ ყველა ნიუანსი. მის აშენებას კი 7 დღე ეყო. სახლის მთავარი ღირსშესანიშნაობა ჰაერში გამოკიდებული აუზია, რომელიც ძალიან კრეატიული და ეფექტური გადაწყვეტაა თანამედროვე არქიტექტურაში.

ტალღების პოეზია - უნიკალური შენობა, რომელიც პორტლენდში, აშშ-ი მდინარე ვილამენტთან მდებარეობს, ნამდვილად არის ყურადღების ღირსი. ეს სახლი თავისი უნიკალური დიზაინით იმსახურებს ყველაზე საოცარი, მცურავი სახლის ტიტულს. მისი მფლობელები ოცნებობდნენ ისეთი სახლში ეცხოვრათ, რომელიც შიგნიდანაც და გარედანაც საინტერესო ფორმებით იქნებოდა გამორჩეული. მათ შეძლეს და აისრულეს ოცნება. სახლის პანორამული ფანჯრიდან ხედი წყალზე იშლება, ხოლო უკანა ფასადი და კედლები ყრუა.

სახლი დედამიწა - სახლი პლანეტა, რომელიც ბორბლებზე დგას შეიქმნა არაბთა გაერთიანებულ საამიროებში, უდაბნოში გადასაადგილებლად. ის მოიცავს ოთხ სართულს, ოთხ საძინებელსა და ექვს სააბაზანო ოთახს.

სამი ყუთი - ეს მშვენიერი სახლი, რომელიც ბოსტონში, აშშ-ი მდებარეობს ერთ-ერთი ყველაზე საინტერესო პროექტია, რომელსაც ყუთის ფორმა აქვს. ის არაჩვეულებრივად მყუდრო სახლია იმისათვის, რომ ადგილობრივ, ჭარბად დასახლებულ კვარტალში ყველაფრისგან დაისვენო.