ხის კოტეჯებს ძალიან საინტერესო ისტორია აქვთ. ხის კონსტრუქცია, რომაელმა არქიტექტორმა, ვიტრუვიუს პოლიომ თავის არქიტექტურულ ნაშრომში „De Architectura“ აღწერა. ის აღნიშნავდა, რომ პონტოში საცხოვრებლებს შემდეგი წესით აგებდნენ: მორებს ჰორიზონტალურად ერთმანეთზე აწყობდნენ და ღრიჭოებს ნახერხითა და მტვრით ავსებდნენ. ისტორიულად ხის კონსტრუქციას ფესვები სკანდინავიასა და აღმოსავლეთ ევროპაში აქვს გადგმული, თუმცა მათი კონკრეტული წარმომავლობა დაუზუსტებელია. ვარაუდობენ, რომ პირველი ხის სტრუქტურა აღმოსავლეთ ევროპაში, ბრინჯაოს ხანაში აშენდა. შუა ხანებში კი ხის კონსტრუქციები მოძრავ ქონებად ითვლებოდა. რაც შეეხება პირველ ხის კოტეჯს ამერიკის შეერთებულ შტატებში, ის პირველად ახალმოსახლეებმა 1638 წელს ააშენეს. ისტორიკოსები ფიქრობენ, რომ პირველი ხის კოტეჯი ჩრდილოეთ ამერიკაში Nya Sverige-ს (ახალი შვედეთი) შვედური კოლონიის მიერ აშენდა. კოლონისტები ძირითადად ტყეში მცხოვრები, ფინელები იყვნენ. (იმ დროს ფინეთი შვედეთის ნაწილი იყო). მათ, სწრაფად და მარტივად განავითარეს ამ სახის კონსტრუქციის ტექნიკა და განავრცეს კიდეც. მოგვიანებით გერმანელი და უკრაინელი იმიგრანტები ზუსტად ამ ტექნიკას იყენებდნენ ხოლმე.

დღესდღეობით, ამერიკული ზამთრის კურორტები ხის კოტეჯებით იწონებენ თავს. ამას კი ცალკე ისტორია აქვს, რომლის ფესვები აპალაჩებში გვხვდება. ამ უკანასკნელს გერმანული და სკანდინავიური ტრადიციების გავლენა ეტყობა. ქვის წყობა შვედურ-ირლანდიურ სტილს მოგაგონებთ, დიზაინი კი - ინგლისურს. ამ დროს გამოიყენებდნენ მუხის, წაბლის, ნაძვისა და ხვალოს ხეებს. ქოხების სტრუქტურა შემუშავებული იყო მწერების რაოდენობისა და ამინდის გათვალისწინებით. ღრიჭოებს ავსებდნენ თიხისა და ტალახის მიქსტურით. დიდი ადგილები კი ქვებით ან ექსტრა-ხეებით იყო დაფარული. ეს პროცესით შენება ძველი კოტეჯებისთვისაა დამახასიათებელი, რაც მათ თავის მხრივ უნიკალურს ხდის. თანამედროვე სტრუქტურა ამას ხერხს, იშვიათად თუ გამოიყენებს ხოლმე. არსებობს ასეთი წიგნი: „ხის სტრუქტურის ისტორიული მოკვლევა სამხრეთ აპალაჩებში“, რომლის მიხედვით პირველი ზამთრის კოტეჯები იყო დროებითი, ერთოთახიანი სტრუქტურით შემუშავებული. ნელ-ნელა მათი ზომა გაიზარდა, ჯერ ოროთახიანი გახდა. აქ ორი ოთახი გაყოფილი იყო მისაღებით და კიბით. დღესდღეობით კი ზამთრის კურორტებზე არსებული ხის კოტეჯები ნაკლებად თუ ჰგავს თავიანთ წინაპარს. ისინი წარმოგვიდგება დიდ, გლამურულ, ფართო, მდიდრულ სახლებად. აღსანიშნავია კოლორადოს შტატში მდებარე ხის კოტეჯი „ჰალა რანჩო“, რომელიც მთელს ამერიკაში, ყველაზე ძვირადღირებულ საცხოვრებელ ადგილად არის დასახელებული.